Dhe çfarë uroj

Kultura

Dhe çfarë uroj

Nga: Florije Raci Më: 19 shtator 2021 Në ora: 15:39
Florije Raci

Uroj ketë vit të keni forcë

Me i harru njerëzit

Që s’ju kanë dashtë mjaftushëm

Njerëzit që ju ngulën thikat në zemër

 

Pse u gëzuan me dikë tjetër

Njerëzit që nuk i zgjatën duart me ju fshi lotët

Njerëzit që nuk ju vlerësunen dashurinë që u keni dhënë

 

Njerëzit që s’ju deshtën për thjeshtësinë

Njerëzit që nuk besuan tek ju

Te ajo që u keni dhënë me sinqeritet

 

Me perkushtim, me ëndrra e

Me çdo dëshirë për të jetu me to

 

Uroj ketë vit të leni mbas krahëve inatet Urrejtjen, mendimet e fjalët e kqija

Që ju kan thënë zilinë

Kujtimet që vershojnë si acare

 

Dhe ju ngrijnë fjalët që s’keni thënë Pendesat, brengat, trishtimet,zhgënjimet

 

Zjarret e fikun, yjet që nuk ndriçuan

Shiun që ra pa pushu

Premtimet që keni besu e nuk u bënë realitet

Dhe kohën që s`i keni kushtu vetes

 

Uroj ketë vit te keni dashuri me dhënë Dhe dashuri me marrë

Fjalë të mira me thënë

Fjale të mira me dëgju

 

Buzëqeshje me shpikë

Buzëqeshje me marrë

Përqafime me falë

Përqafime me ju falë

 

Uroj të keni forcë për çdo ëndërr

Çdo dëshirë, çdo plan

Çdo qëllim që i keni vu vetes

 

Uroj të keni guxim për të jetu

E shumë besim në Zot

Ju uroj, se dhe kur na harrojmë vedin

Zoti nuk harron të kujdeset për ne.

Shfaq komentet
comments powered by Disqus
Sot mund të lexoni Shfletoni kopertinat