Reciprociteti

Kultura

Reciprociteti

Nga: Sevdail Hyseni Më: 25 shtator 2021 Në ora: 10:57
Karikatura marrë nga interneti

Na shkoi kjo jetë

Me reciprocitet…

E nuk mblodhëm

Asnjëherë mend!

Si t’bëhemi unik,

Të përçarë mes veti?

Pa harruar veset

Që s’i lanë as deti!

Me ne s’ka hajgare

E them ashiqare:

- Jemi veç dynjasë

Për disa tipare…

Na kanë marrë erë

Sa jemi me nder…

Nuk na mbushet koka

Pa na k’ci tri herë!

Me të ngulur shpesh

Punët janë bërë lesh,

S’po i gjendet fija

Sherrit midis nesh!

Marrëveshjet pinë ujë

Nën shkurre e drunj,

Ne nuk u lidhëm

Një herë në një kunj!

Po s’i nuk u ngopëm

Ta kajsha Evropën,

Me sy e me mend

Nuk e shohim gropën!

Kjo Evropë e lirë

S’na ngul me pahir,

E ne me nder jush

Themi na bënë mirë!

Shfaq komentet
comments powered by Disqus
Sot mund të lexoni Shfletoni kopertinat