Kohë e pa kohë

Kultura

Kohë e pa kohë

Nga: Dibran Demaku Më: 3 tetor 2021 Në ora: 14:45
Dibran Demaku

Në kohën që jetojmë,kur gjithçka ka marrë rrokullimën nga interesi dhe e keqja,sikur e mira dhe e dobishmja na e ka lënë shëndenë.Dhe atë jo më pak se në të gjitha sferat e shoqërisë njerëzore.

Mbase kemi gjenerata më e „diskriminiuar“, sepse e kemi filluar jetë në një sisten tjetër(kur ishin vendosur rregulla dhe norma përtej të cilave nuk dilej) dhe tash kur gjithçka e ndërtuar më parë është shkatërruar,jo nga dikush tjetër,por pikërisht nga ne.

Sot e këtu gjithçka matet më interes dhe më para:nëse ke para je më i miri i shoqërisë,sepse të gjithë ata që të rrethojnë kanë unteres nga ty.

Paraja të bën të njohur dhe të dashur,dhe ti bëhesh edhe deputet,edhe artist,edhe poet e shkrimtar,edhe kompozitor e këngëtar…gjithçka bre gjithçka që ta do loçka e shpirtit.

Dhe ata që të rrethojnë të thurin lavdi e ti vetë kënaqesh dhe të duket vetja i madhërishëm,i paarritshëm!
Edhe kur shkruan keq(ti në të vërtetë nuk di të shkruash,por shkruan dikush tjetër për ty),ata që të rrethojnë shkruajnë vlerësime e recensione shumë pozitive,sepse ti i paguan ata me para.
Dhe jo vetëm kaq.Vlerėsime e recensione për veprën tënde shkruajnë edhe miqtë e të afërmit,duke ta bërë qejfin me josinqeritetin e tyre!
Dhe ty të rritet mendja dhe vazhdon të shkruash,sepse të tjerët e kanë vlerësuar veprën tënde.Miqtë dhe shokë të organizojnë edhe promovime të ndryshme,shpeshëherë edhe sipas porosisë.
Dhe jo vetëm kaq.Ti i thërret mjetet i informimit(gazeta,radio e tv)që vepra jote të ketë jehonë gjithandej…
Dhe ti vazhdon të shkruash e të shkruash:shkruan romane e poezi,sepse po i ha pazari.Dhe nganjėherë lavdërohesh se në krijimtari je krejt origjinal,sepse në jetën tënde nuk ke lexuar kurrë libër?!…

Autorit të këtij shkrimi i ra në duar një u ashtuquajtur roman,i shkruar keq,madje tepër keq.Krejt ngjarja e „romanit“ ishte një rrëfim në vetën e parë.Botuesi i „romanit“ e kishte ndarë në kapituj(kot)sepse ngjarja rrëfehej në mënyrë lineare dhe pa asnjë ndërprerje.Duke lexuar atë „roman“të krijohej një përshtypje e keqe dhe pyseje vetën:shkruesi apo shkruesja a ka lexuar ndonjëherë ndonjë roman të mirëfillt,pastaj a i di rregullat e të shkruarit të romanit.

Për më keq,vetë botuesi a do ta ketë lexuar fare atë „prozë“që në kopertinë i ka vërë emrin roman! Për më keq,të njejtin roman e nxjerrin në ekran të tv-së,dhe komentuesja e vlerëson si një të arritur të madhe në letrat shqipe?!
Mbase komentuesja as që e ka lexuar fare „romanin“,por porosia i ka shkuar si e tillë?!…

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat