Eja lozim si dikur 

Kultura

Eja lozim si dikur 

Nga: Xhelal Hoxha Më: 16 tetor 2021 Në ora: 09:50
Xhelal Hoxha

Zemra bashkë me trurin 
Luajnë lojën dhe nuk ndjenjë fare xhelozi; 
Shpreh dëshirën time-tënden gjithnjë në pafundësi... 
Të jem të unjisuar si me qenë një trup pa turp       
"Truri i thotë, zemrës: 
Ç’ke moj imja zemër,  
Ç’ke që po rënkon?" 
"Zemra ia kthen: 
Koka bënë; e toka pëson!"... 
Të jemi e të rrojmë e lozim si dikur në rini! 
"Të kisha pas mundësi 
Të kisha shtie-futur në qet shishe si një zanë,  
E ti më thua 
Të kisha pas mundësi 
Të kisha fut me ra në dashuri me të dyja këmbët... 
Do kisha pi ujë nga duart e tua  
ujët e pastër, Shkumbini e Valbone,  
Nga buzët e tua do kisha pirë verë 
Verë të pastër Kosove, që vjen prej Lumëbardhi, Lepeci e Rugove... 
dhe të kishim pi krejt e të ishim dehur bashkë;  
me shishet e gotat bashkë krye më krye... 
si dy dallëndyshe a dy mjellma; 
Duke u dashur e duke u argëtuar bashkë me ty... 
Ne së bashku me ninullat e djepet të varura nën trarët e shtëpisë sime të vjetër  
e plot jetë e gjallëri...  
Vetëm ti që e din, dhe ma din hallin tim;  
meqë të kam afër po ta puthë ballin pa ngurrim! 
Kur të puth lehtas në ballë 
Mund të hipësh si bajrak në shkallë! 
Le të luajmë lojën tonë shpesh kur më rri përballë 
Le ta luajmë më shpesh e jo rrallë e përmallë; 
"Ngase të gjithë pafuqishmit, do të ishin befasuar, çmendur me radhë... 
Nga që je ezmere; ngjyrën do ta ndërroje në të bardhë !"... 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat