Vëllai im

Kultura

Vëllai im

Nga: Dibran Demaku Më: 24 nëntor 2021 Në ora: 09:29
Dibran Demaku

Vëllai im pa bimë
ëndrrat na u mërdhinë

vëllai im pa yll
lulëkuqe në pyll

vëllai im pa emër
të ruaj thellë në zemër...

Të prita

të prita se do vije
shtigjeve të malit
me buzën e qeshur në shuarje të mallit

të prita se do të vije
shtigjeve të ujit
me varkën e Noes në fillim të muajit

të prita se do të vije
shtigjeve të qiellit
me ngjyra të ylberit nën rrezet e diellit...

Herë-herë

herë më prite herë të prita
në teh drite u thye dita

herë më erdhe herë të erdha
zog në çerdhe lotin derdha

herë më ike herë të ika
ëndërr gjumi pika-pika...

E di

e di se me do por ç'të të them
kur çdo fjalë e thënë dhe e shkruar dhemb
kjo kohë e trazuar e mbushur me helm
edhe ëndrrën e shpirtit pa mëshirë e tremb...

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat