Bajram Curri në Lurë

Kultura

Bajram Curri në Lurë

Nga: Gezim Loka Më: 6 dhjetor 2021 Në ora: 09:05
Gezim Loka

Në shtëpinë e Ibrahim Gjoçit
Bujti vetë Baca Bajram,
U poq kafja e lirisë,
U poq lufta për vatan.

U ndez zjarr i madh në vatër,
Me lurianët besa-besë,
Çdo kullë e bajrak fortese
Shkrojti vargjet e epopesë.

Shkrojti vetë historinë,
Moj Lura e kuqe me namë,
Bëri luftë me krajla e mbreta,
Mote të tëra në istikamë…

Ç’ma nderove Bajram Currin,
Prijsin e lartë të Lirisë
N’këmbë e mbajte ti flamurin
Për Trim Tribunin e Vegjelisë…

Do të ikin vite, shekuj,
Do të rritet bari i ri,
Bajram Curri zemërhekur
Bashkë me ty në histori…

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat