Zoti pyet dashurinë e shqiptarëve?

Kultura

Zoti pyet dashurinë e shqiptarëve?

Nga: Sulejman Mehazi Më: 16 janar 2022 Në ora: 13:11
Sulejman Mehazi

Gjallesat e llojllojshme të cilat jetonin në Ballkan ishin brengosur e pikëlluar shumë për shkak se Zoti kishte paralajmëruar se do të krijonte qenien më të bukur, më intelegjente e më të përsosur në tokën e Gadishullit Ballkanik, shqiptarin, njeriun e parë të kësaj toke. Zvaranikët, peshqit, shpezët, kafshë të egra e të buta në male e  fusha, insekte e bakterie qanin e vajtonin për shkak se kjo qenie shqiptare jo që do t'i sundonte, por do t'i robëronte tokat edhe detërat ballkanike. 

Dhe, Zoti si dialogoi me njeriun e parë Ademin, ashtu do dialogonte e bisedonte dhe me shqiptarin e parë të Ballkanit. 

Pasi ia formoi e ia skaliti aq bukur trupin fizikë, ia fali ngjyrën e racën arianite, Zotit si mbeti gjë tjetër përveç që t'ia falte shqiptarit atë energjinë lëvizëse trupore-psikike e mendore të shpirtit. 

E Zoti pasi ia dha këtë energji mistike e të padukshme të shpirtit kishte dëshirë ta ndriçonte me brendësi imagjinative, inspiruese, artistike, gjuhësore, edukative e dashurore! Për hirë të përsosjes perceptuese e ndjeshmërisë estetike, Zoti, ishte i detyruar nën brendi të trupit të njeriut shqiptar të bënte e krijonte organet më të ndjeshme e të buta të zemrës, fytyrës e kokës, për të mbushur me dashuri, me fjalë, fjali të bukura e me mençuri.

Dhe ç'bëri Zoti, e pyeti dashurinë?

-Në cilin organ të brendshëm do e dëshiron të jetosh?

-Në zemrën e shqiptarit, tha dashuria.

Po ti xhelozirë ku do të futesh?

-Dhe unë dua të futem në zemër të shqiptarit, i pëgjigjet xhelozia Zotit.

Në momentë reagoi dashuria, pasi xhelozia do të jetojë së bashku me mua, unë do dalë prej zemrës së shqiptarit! 

 

Pastaj Zoti e pyeti turpin se në cilin organ të shqiptarit do të jetonte?

-Në fytyrë, tha turpi.

Po ty paturpësi ku do të jetosh?

-Dhë unë dua të jem në fytyrën e shqiptarit, iu përgjigj paturpësia.

- Jo, reagoi turpi, pasi paturpësia do me mua, unë largohem prej fytyrës së shiptarit, nuk mund të jetojmë së bashku në një vend me paturpësinë.

 

Në fund, Zoti e pyeti mençurinë se ku do të jetonte?

-Në kokën e shqiptarit, tha mençuria!

Po ti moj nervoze ku do të jesh?

-Dhe unë në kokë.

Në çast reagon mençuria, jo s'mundet, nëse nervoza vjen në kokën e shqiptarit, unë dalë e shkoj në ndonjë kokë tjetër!

Pastaj Zoti e pyeti lirinë, ku ke qejf të jetosh?

-Në trojet e Ballkanit shqiptar, shprehet me kënaqësi liria.

Po ti robëri ku do të rrishë?

-Dhe unë në Ballkanin e shqiptarëve.

Kur dëgjoi liria fjalët dëshirore të robërisë, hidhërohet keq e thotë, pasi robëria do të rri së bashku me shqiptarët, unë do largohem e kurrë s'vij në këto troje shqipfolëse!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat