“Sapo i jam bashkuar Ushtrisë Çlirimtare të Kosovës"

Kultura

“Sapo i jam bashkuar Ushtrisë Çlirimtare të Kosovës"

Nga: Ilir Muharremi Më: 19 janar 2022 Në ora: 08:09
Kopertina e librit

“Sapo i jam bashkuar Ushtrisë Çlirimtare të Kosovës.”, - i thashë.

“I je futur ushtrisë, atyre njerëzve nuk u plas për ty. Çfarë po mendon?”, - më tha dhe e ngriti zërin e tij të thellë.

“Thjesht... nuk kisha ndonjë ide më të mirë.”, - i thashë. U mbështet për karrige, e hapi pak gojën, jargët i shkonin, por rrinte disi në mendime.

“Por... A ke guxim t’ia drejtosh dikujt armën në kokën, dhe t’ia hedhësh trutë në erë? Do të jesh mirë.”, - më tha, teksa çonte gllënjkat e uiskit, fjalët i ngatërroheshin dhe gjuha e tij dukej si e trashur nga dehja.

Ai ishte tapë i dehur.

“Duhet të shkoj, të fle se është vonë.”, - i thashë. Lokali ishte i zbrazur.

Dëgjohej vetëm një muzikë e lehtë. Ky tipi donte shoqëri, tamam sikur një i dehur i cili ngjitet pas një fjalie dhe e kërkon fjalinë tjetër. “Çfarë?

"Nuk ke me çka të shkosh, të çoj unë.”, - më tha.

“Mund të ngasësh?”, - e pyeta.

“Nuk diskutohet, plak. “, - më tha..."

Fragment nga romani "Ti" i Ilir Muharremit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat