Demokracia Nr 5

Kultura

Demokracia Nr 5

Nga: Fatmir Lohja Më: 19 janar 2022 Në ora: 08:23
Fatmir Lohja

I ndeshëm gota. U mundova të ha diçka, me këmbënguljen e xha Agos. Mendova se shpëtova nga politika. Në ndënjet në fshat kërkoj të dëgjoj, e të shoh traditat, të cilat nga dita në ditë po harrohen, jo vetëm nga të rinjët, por edhe nga te moshuarit. Për mua ,letërsija e ka ushqim ndënjen këmbëkryq me traditat.

Për ty cili është më i miri, babai ,apo i biri?- ma zuri në fyt bukën Ganija.

Mos ma bëj mua këtë pyetje, se nuk jam politikan, - ia kthej në vend. -Mua më pelqen demokracija, se me lejon të mendoj lirshëm.E shpjegova një herë. Një këshillë mund t’u them, pa pretenduar se do të më dëgjojnë palët në konflikt. Babë, e birë, varuni nga një nuskë në qafë, që të mos shamatohen më! Me turrin ndaj njëri-tjetrin,vetëm për demokraci nuk bëhet fjalë. Do t’u shkatërrojnë fare partinë !Ju të djathtit do të mbeteni si çifutët në shkretëtirë.

U befasova kur qeshën pas këshilles sime të sinqertë.

Na kujtova nuskat, o qerrata, - me tha xha Ago duke qeshur me zë të lartë.- Ke lexur , dhe ke shetitur shumë më shumë se ne. Vazhdo ! Sot me dukesh në formë !- me nxiti xha Ago me lezet.

Pasi u përqendrova, u mundova t’u tregoj diçka nga historija e kombit tonë, për t’i bërë bisht përgjigjes se pyetjeve të mesipërme.Ju kujtova se ” Kurva Plakë”, Europë, gjithnji kur është marrë me kufijtë e trojeve shqiptare, na ka kafshuar nga një copë të madhe. Jemi i vetmi shtet në botë, që në kufij kemi bashkëatdhetarët.Ky veprim nga Europa është sa i vjetër edhe aktual. E grinë shtetin e ri të Kosovës.Dhjetë mijë hektar ia morën, dhe ia dha Maqedonisë, kur përcaktuan kufijtë. Tetëmijë hektar ia morën Kosovës, kur përcaktuan kufirin me Malin e Zi. Serbija kërkon të kafshojë veriun e Kosovës. Dhe fakeqësisht persëri Europa e mbështet oreksin e Serbisë.

Këto janë shifra, që i dimë saktë, ne qe po e jetojmë këtë kohë, - e mbylla turrin historik me” Europën Plakë”.

A jeni ju me mendimim , që ne shqiptarët të hyjmë në Europë, - më pyet Kasemi turivarur.

Ne jemi kombi më i vjetër i Europës, - ia kujtova Kasemit historinë e origjinës sonë.

U mundova t’u shpjegoj se edhe sot “Kurva Plakë”, Europë, na e ka me hile ne shqiptarëve.Ka dy dekda që na nxjerr gjithfarë sebepesh, për të mos na dhënë karriken tonë, në bri me bashkëkontinentasve tanë.Tani ka vënë një kusht tjetër absurd. O me Maqedonin, o hiç edhe për shqiptarët!? Dihet që Maqedoninë , për mbi dy dekada, e bllokoi Greqia për emrin e shtetit.Tani Bullgarët kanë nxjerrë sebepe tjera, për mos integrimin e Maqedonisë.

E parashikoni ju , se sa dekada mund të vahzdojë sherri sllav Bullgaro – Maqedonas? Ma shpjegoni dot se çfarë lidhje ka ky sherr me ne shqiptarët?- u drejtova dy pyetjet, njëra pas tjetres.

Vazhdon

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat