Lamtumir President!

Kultura

Lamtumir President!

Nga: Haki Latifi Më: 21 janar 2022 Në ora: 09:34
Haki Latifi në takim me Presidentin Historik Dr. Rugova

Nga Cyrihu me shokë u nisëm,

Peshën e lotit mbanim mbi supe,

Në Prishtinë arritëm n’heshtje me lot n’sy,

Biles edhe të huajt i gjetëm aty,

U bashkuan me ne, në zi e në lutje.

Në nderim lamtumirës,

të Presidentit Ibrahim Rugova,

Që u bë legjendë me shallin rreth qafës,

E dashuria për vendin e ruante durimin,

Me shallin e Lirisë lidhur rreth qafe,

Shall i bukur i vjetër i Dardanisë,

Që s‘kishte shoq tjetër,

Shall i të Urtit, i Krenarisë e i Lirisë,

Me ty u hapën dyertë e miqëve ;

Nju Jork, Romë e Berlin,

Bruksel, Londër e Paris,

Kërkove Lirinë e ëndërruar n’shekuj,

Të rrëmbyer nga barbarët, vrasësit e fjalës.

Të shtypur e përbuzur në shumë breza,

Ece në çdo rudhë të Nënë Terezës,

Urrtësisht luftove përtej golgotës,

pa armë e shpata të gjakosura,

I njoftove Kancelaritë e botës,

për çmendinë e kohës,

E mbrove Kosovën n’gjoksin e NënëLokëve,

Donin ta sh‘kynin kuçedrat n’kthetrat e lojës.

Ti mbete kujtesë nderimi e përulsie,

Shëmbëllim Hyi i kombit shqiptar,

U fanite dhe u përjetësove,

në vetëdijen tonë kombëtare,

si dëshmi e një sprove të hyjshme,

Shqiptare.

E deshe shumë Dardaninë antike,

Dhe flamurin Dardan i pari e ngrite.

E sot nga acari që mbreteronte,

Njerëzit nuk i ndali dot,

Në rreshtin e gjatë të pritjës,

nga sytë e tyre rridhnin shumë lotë.

Për të thënë së fundmi Lamtumir,

I dashun President Rugova i mirë,

Lutu për ne atje lartë në Qiell,

Dardanisë jepi bekim, dritë e Diell!

26 janar 2006

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat