As qen as zagar

Kultura

As qen as zagar

Nga: Meti Rexhepi Më: 27 janar 2022 Në ora: 16:24
Meti Rexhepi

Katër  këmbë 

dy më shumë se ai  që e sundon

por  sundimtari ka dy duar që fytyrën i lajnë

të tijën fytyrë qenushi si ta lante me këmbë

 

krejtësisht i vetëm bredharak i dëshpëruar

ekologjia e kontejnerëve e kishte dëbuar

edhe kallnori me jorganin e bardhë të mallkuar

për një asht të njomë do t`i thahej ai gabzherr

 

në lukuni nuk përftoi as nga ndonjë qenushë

ujëvarë e jargëve i rrjedh syve të avulluar

hej qenush mos gjete gjë  në atë gëmush

mos e paç mëshirën e dykëmbëshit zemër-ngushtë

 

mësynte  atje ku nuhatja e shpinte

i hirtë në bardhësinë e borës

qofsh e keqe e me fat lumturie

Zoti i dha krah asaj sorrëshkine

 

sorrëshkinat  i sillën mbi krye

nuk ngjante as qen as zagar

të dytin e marrin t`ua nuhaste  ndonjë vakt gjahtarësh

assesi  këtë  se  nuk  ishte prej grabitqarësh 

 

luanëve ujqërve kushërinj të prejardhjes

si t`iu vete pas për tatuazhe brinjësh kokës e shpinës

le ta  sundonte  çfarëdo  diktatori

mjafton t`i luante me takt sikurse dirigjentit kori

 

gjithnjë  ecejakeve vijave të urisë lëpinte  i gjori

nuk donte t`ia kishin frikën

dhe  askujt  të  mos i jepte ikën

ndjesia e mëshira nuk e ngopën dhe  ngordhi

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat