Cila ishte fjala jote e fundit
kur plumbi tu shkri në xhoks e mbi vetull
vëlli im i miri-plaga ime e shekullit
gjithka në jetë e kishe të vogël
në fatin dushk për gogël
veç ëndrrën dhe rënien të madhe
shkrumb u bën lulet e freskëta të majit
nën peshën e rënies apo ndjenjës së fajit
kur këmishën e skuqur i veshe atdheut...
Në gjakun tënd
në gjakun tënd
në gjakun tim
frika nuk është durim
në gjakun tënd
në gjakun tim
vaji nuk është ngushëllim
në gjakun tënd
në gjakun tim
ikja nuk është ngadhnjim…
A je enderr
nuk di se si do vete
nuk di se si do rri
a ngre endrra shtylla jete
apo enderr je vete ti...
Në lotin e kripur
në ujin kristalor të rrjedhës së valbonës
në buzëqeshen e çiltër dhe të ëmbël të jonës
në zërin e shterrur dhe të ripërtrirë të jehonës
në teatrin hamletian në skenën e dodonës
të ndesha dhe të preka ty
në një stinë të përvëluar dhe të kallur etjeje
në një ikje të herëshme dhe të vonë mbetjeje
në një tokë të askujt dhe të gjithkujt tretjeje
në një ëndërr të frikshme dhe të trisht fjetjeje
në lotin e kripur dhe të pëlcitur në sy…
