Stamboul (1912) / Shkresa e Isa Boletinit për t’u ardhur në ndihmë shqiptarëve të Malit të Zi

Kultura

Stamboul (1912) / Shkresa e Isa Boletinit për t’u ardhur në ndihmë shqiptarëve të Malit të Zi

Nga: Aurenc Bebja Më: 29 prill 2022 Në ora: 08:33
Isa Boletini

“Stamboul” ka botuar, të hënën e 26 gushtit 1912, në faqen n°2, shkresën e Isa Boletinit për t’u ardhur në ndihmë shqiptarëve të Malit të Zi, të cilën, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

Në Mal të Zi Isa Boletini i dërgon nga Mitrovica shkresën e mëposhtme Ibrahim Pashës :

Image

“Malazezët dogjën fshatrat myslimanë përgjatë lumit Lim midis Akvës dhe Beranës. Banorët myslimanë të këtij rajoni janë objekt i sulmeve të vazhdueshme. Në pamundësi për të qëndruar indiferent, në prani të kësaj situate vendosa t’u shkoj në ndihmë. Megjithatë, meqenëse armët që kam në dispozicion nuk janë të përdorshme, ju lutemi jepni komandantit urdhrat e nevojshëm për të më dhënë, kundrejt një fature, armë, municione, rroba në sasi të mjaftueshme, me bindjen se qasja ime ka për qëllim të vetëm të mbrojë nderin dhe prestigjin e atdheut dhe të qeverisë.”

Bajram Curri dhe Riza bej Gjakova, nga ana e tyre, kërkuan 3000 mauzerë (pushkë) për t'u shkuar në ndihmë Gucisë dhe Beranës të rrethuara nga malazezët. 

commentFirst article
Sot mund të lexoni Shfletoni kopertinat