Ajo mori H....

Kultura

Ajo mori H....

Nga: Ilir Muharremi Më: 14 maj 2022 Në ora: 08:41
Kopertina e librit "Ti"

"Ia vendosën oksigjeno-terapinë. Maria as që jepte ndonjë shenjë, ishte pothujase e vdekur, ngjyra e saj e lëkurës ishte zbardhur edhe më shumë.

Në momentin kur e lëviznin, koka e saj dukej sikur e ndarë nga trupi. Ishte komplet e vdekur. Mjekët u munduan me oksigjeno-terapi, por çdo gjë ishte e kotë.

Ai burri vazhdoi të fliste. “Nuk ka përgjigje. Merreni rrugën e frymëmarrjes. Po e lidh me monitorin, po pëpriqemi ta bëjmë më të mirën që mundemi”. “Nuk mundem pa të!”, - bërita para krejtve. Një zë femre m’u drejtua: “Dua të qetësohesh dhe të më tregosh se çfarë ka ndodhur”. Unë qaja. “Nuk e di çfarë ndodhi.”, - ia ktheva. “Qetësohu dhe më trego se çfarë ndodhi.”, - vazhdoi ajo. E kapja kokën me dy duar, doja ta godisja veten. Qaja. “Ishim në shtëpi fjetëm, më pas ajo u zgjua dhe ishte e gjitha blu.”, - i thashë. “Sa kohë kishte pa ndjenja?”, - më pyeti. “Nuk e di”, - i thashë. “Çfarë ka marrë?”, - më pyeti. “Nuk e di”, - i thashë. Ajo filloi të përsëriste pyetjet e njëjta. “Çfarë ka marrë?” “Nuk e di zonjë, nuk e di”. “Dëgjo, më ndihmo, që të të ndihmoj. Më duhet të di se çfarë ka marrë.”, - insisonte ajo. Unë qaja dhe mezi flisja. “Të lutem, mund të më thuash nëse po merr frymë apo jo?”, - e pyeta. “Po përpiqemi ta bëjmë më të mirën, por ju na tregoni se çfarë mori.”, - pyeste ajo. “Ajo mori heroinë.”, - iu përgjigja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat