Mbi një shekull

Kultura

Mbi një shekull

Nga: Neki Lulaj Më: 20 maj 2022 Në ora: 23:24
Neki Lulaj

Të kërkuam ty 

Nëpër dregëzat e erës 

Nëpër katet në shkrepëtimë qielli. 

Nëpër dhomat e reve 

Nëpër shtresat e motit kah dielli. 

  

Të kërkuam nëpër livadhet e shpirtit 

Nëpër koret e tokës 

Nëpër poret e dritës flakërimë 

Nëpër ndërskëmbcat e territ 

Në shtegun e pritës dhe  pabesisë. 

  

Të kërkuam në bebëzat e gjyshit 

Nëpër bulat e vesës 

Nëpër petalët e luleve e gjëmbit 

Nëpër rrënjët e gurit 

Nëpër bjegëzat e shkëmbit 

  

Të kërkuam në shallin rreth qafës 

Nëpër damaret e gjakut

Nëpër flakën e barutit 

Nëpër damarët e fjalës 

Nëpër gjethet e pyllit me lisa. 

  

Të kërkuam në diplomacinë e urtakut 

Nëpër gurrat e krojeve,e besën e të parit

Nëpër pellgjet e hënës 

Nëpër koridoret e diellit 

Mbi valët e cunamit si ëndërr. 

  

Të gjetëm në erën e  tymin e barutit 

Po të gjetëm në Betimin e luftëtarit 

Të heroizmi i deshmorit 

Ty, e lumja, e çmuara Liri 

Që të pamë në Dardani

Me si friksohëm varrit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat