Zbulim me vlerë ...

Kultura

Zbulim me vlerë ...

Nga: Albert Habazaj Më: 23 maj 2022 Në ora: 18:11
Albert Habazaj

Brodha në pesë kontinentet,

(në fakt, u nisa për studim).

U ktheva i kënaqur me veten:

Arrita të bëja një zbulim ...

Në çdo shtet që këmba më shkeli

“ka - ka - ka” kakariste pula,

“ki - ki - ki” po këndonte gjeli,

S’ u duheshin shkresat me vula…

Macja mjaullinte “mjau - mjau”,

Natyrisht dhe veqil maçoku.

Lopa “mu - u”, “mu - u” dhe demi,

Kudo “ciu - ciu” cicëronte zogu.

Bile, në çdo vend: “ham - ham” qentë

Lihnin dhe kuptoheshin kollaj;

Po ashtu, kuptoheshin lehtë

Dhentë e shqiponjat në çdo skaj.

Thuajse më pritën me qejf

Vertebrorë e jovertebrorë,

Gjitarë, shpendë, amfibë e peshq,

Biles, edhe ameba e vogël.

Nëpër glob vrojtova florën,

Vetëm hienën e ujkun s’pashë,

Mora vesh që grinden si njerëzit;

Nga tensioni për pak rashë.

Kafshët e buta dhe të egra

Sa frikë kishin nga njeriu;

Më thanë dhe fjalë të tjera…,

Po kujt t’ja them unë i ziu?!

Për veset e rracës njerëzore

Kokën poshtë duhet ta ul.

Shyqyr që kafshët s’jan’ si ne, mizore,

Se natyrës katastrofa iu vërsul…

San Lorenzo, Itali, 01.07.1999, rishkruar: Vlorë, 2015 dhe, fatkeqësisht, çdo ditë në vijim deri më sot

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat