Teatri Kombëtar mbyllet për renovim

Kultura

Teatri Kombëtar mbyllet për renovim

Më: 20 qershor 2022 Në ora: 15:55

Këshilli Drejtues i Teatrit Kombëtar të Kosovës ka bërë të ditur se Teatrit Kombëtar i Kosovës është mbyllur për renovim.

Sipas njoftimit, arsyeja pse ka ardhur deri te kjo është gjendja jo e mirë fizike e objektit tash e sa kohë.

“Gjendja faktike e sigurisë në të cilën punojnë punëtorët e Teatrit Kombëtar të Kosovës është alarmante dhe kjo e bën kërkesën për renovim edhe më urgjente. Poashtu, ju njoftojmë se aktiviteti i përgjithshëm artistik i Teatrit Kombëtar të Kosovës nuk është ndalur dhe nuk do të ndalet”, thuhet në njoftim.

Tutje, ata njoftuan se Teatri Kombëtar i Kosovës e ka hartuar edhe planin e punës dhe të veprimit gjatë periudhës së renovimit dhe në bashkëpunim të ngushtë dhe intenziv me MKRS është duke punuar për sigurimin dhe adaptimin e hapësirave alternative ku do ta zhvillojë aktivitetin e vet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat