Na budalltë e diasporës

Kultura

Na budalltë e diasporës

Nga: Faruk Tasholli Më: 22 qershor 2022 Në ora: 01:01
Foto ilustrim

Na budalltë e diasporës

Rritë me mallin e Kosovës,

Seç i derdhëm lotët gurrë

Po që mend s’u mbushëm kurrë!

Si t’i mbajmë mendtë në kokë

Kur të shkretat shkojnë n’Kosovë,

Dhe s’e dimë jo çka na gjeti

Kur veç trupin mbajmë me veti!

Bashkë me mendjen tonë të ngratë

Andej udhë marrin paratë,

Me djersë tonën zbutet varf‘ria

E meritat merr qeveria!

Dhe pushimet kur vijmë n‘atdhe

Tjetër emën kanë për ne,

N’shtëpitë tona n’troje t’parëve:

Po vjen “mu‘ji i budall've“!

Sikur s’ka kund plazhe n’botë

Na budalltë shkojmë n’Kosovë,

Dhe kur vijnë krizat, festat,

Prapë budalltë shtojnë remitentat!

Kot kryejmë shkolla, fakulktete

Shtojmë biznese ndër kontinente,

Kot Europës n‘rend të parë

Kur n’Kosovë mbesim budallë!

Dhe n’foltore parlamenti

Fjalë për ne pa kurrfarë derti,

Si budallë të diasporës

Që s’ia kthejmë shpinën Kosovës!...

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat