Ti, liri

Kultura

Ti, liri

Nga: Zymer Mehani Më: 27 qershor 2022 Në ora: 17:37
Zymer Mehani

Ti, liri
1.
Ti je si buka
N'sofër që e qesim

Ti je si zjarri
N'vatër që e ndezim

Ti je ujë i pastër
Në verë i të eturve

Ti je kurora
E të pavdekurve

Ti je si vala
Si dallgë e detit

Ti je si yjet
Që ndritin qiellit

Ti je e bukur-
Ngjyrë e ylberit

Ti je e ëmbël
Si buzëqeshje fëmije

Ti je më e shtrenjta-
Zjarr dashurie
2.
Për ty, liri
Jemi prerë e grirë
si cjapi te kasapi
Nga mizori e satrapi

Për ty, liri
Kemi vuajtur
në burgje e falanga
Të lidhur me pranga

Për ty, liri
Shtegtuam e rendëm
Maleve dhe brigjeve
Në foletë e shqipeve

Për ty, liri
Kemi qëndruar
Dhe kemi luftuar
Me pushkë në duar

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat