Satelitët në hava!?

Kultura

Satelitët në hava!?

Nga: Fatmir Lohja Më: 30 qershor 2022 Në ora: 07:35
Fatmir Lohja

Vjet , përpara Krishlindjeve, vetë Sulltanpiktori e gëzoi populli shqiptar, se në muajin mars do të ngrihen dy satëlite në hava. Pensionistët ende nuk u kuptojnë , pse dy satelitë menjëherë. Nuk dolën në protesetë. Mos pelqimin e dhanë me zë pensionistësh, në kafenetë e lagjeve.

IKu marsi, erdhi prilli,iku maji , erdhi qershori kur Sulltanpiktori doli të gezojë popullin shqiptar, natyrisht me temën e “bukur” satelitore. Ai qe nuk mbajti fjalën u sikteros nga puna, edhe nga rilindja. Ai që vjen pastij brënda vitit 2022 do të ngrejë satelitët në hava.

Me këtë lajm përsëri pensionistët nuk u gëzuan. U ngriten çmimet, inflacioni,për pensionet e tyre minimale nuk u ra ndermend të ngrihen. Satelitët në hava, e tregon qartë se rilindasve nuk shqetesohen për pensionistët, se duhen para shumë për të ngritur në hava satelitët.Ku t’i gjejë i mjeri shtet paratë?

Skenderbeu ynë e ka mbajtur fjalën gjithmonë, - e vulosi një pensionist socialist, i konvertuar në rilindas për hatër të fëmijëve, nipërve, mbesave.

Si e mbajti fjalën për portin e jahtave në Spille, hekurudhën elektike Durrës- Tiranë, aeroportin e Sarandës ,Teatrin Kombetar,…..,të cilët i pamë në 3Hd në stacionet e shumtë televiziv , - u quku memorjen një pënsionist njëzetekatër karatesh demokrat.

Me falni. Kam vite që kam dalë në pension. Tërë jetën punova agronom . “Inspektimi I bujqesisë do të bëhet vetem nga qielli!” Këtë shprehje nuk e kuptoj ?- kërkoi ndihmë xha Bato me shumë emocione.

Satelitët do të kontrollojnë nëse traktorët punojnë në ara. Mbi bazën e këtij informacioni do të rimbursohet nafta,- shpjegoi socialisti i konvertuar në rilindas.

A janë njerëz ata qe do të veshtojnë filmimet satelitore?- pyet xha Bato me shpoti.

Po.

Nuk e kuptoj pse kjo qeveri u beson më shumë atyre që rrinë në krrike, se atyre që e shohin realitetin direkt.Te dy palët nënat shqiptare i kanë lindur, i kanë ushquer me qumështin e tyre. Duke u takuar me fermerët specialitët e bujqësisë u japin edhe ndonjë këshillë të vleshme për të rritur prodhimin bujqesor,- dhe xha Bato ndezi cigaren, në pritje të përgjigjes, që nuk i erdhi.

Si thoni ju rilindasit, satelitët me shumë u nevoitkan për blegtorinë,- u fut demokrati pas një heshtje të besdishme.

Pse po e devijon qëllimin e satelitëve?

Kryeministri me ishzëvendeskryeministrin e tij po zihen se ku janë zhdukur lopët, delet, dhitë. Njeri thotë se i hengri ujku, tjetri I zhduku kasapi, ministria e gjen gabimin se parardhësit i kanë shtuar numrat e bagëtive me qëllim perfitimi , - dhe qeshte me zë të lartë demokrati njëzetekatër karatësh.

Ju demokratët tërë jetën më dhëmbë jashtë mbetët. Si nuk u bëtë një herë seriozë, për të menduar për mëmëdhenë? - dhe rilindasi I merzitur u largua pa i përshendetur bashëmoshatarët.

Me largimin e tij edhe ndenja u prish, pa u sqaruar nëse duhen apo nuk duhen satelitët në hava?

Fatmir Lohja

Tiranë, më 30.06.2022

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat