Më shkojnë për dore

Kultura

Më shkojnë për dore

Nga: Musa Ahmetaj Më: 30 qershor 2022 Në ora: 09:20
Musa Ahmetaj

Edhe në këtë vit
Si një vit më parë
Pasurinë e lajmërova
Vetëm në formularë

I shënova tokat
Që ne i kemi ndarë
Madje aty shkruan
Vetëm si trashëgimtar

Formularët e tillë
Më shkojnë për dore
Fare nuk e lajmërova
Që kam edhe dashnore

Rubrikat vërtet ishin:
Banesa, fëmijë dhe grua
Në formularë nuk gjeta
Dashnorën për ta lajmërua

Për këtë nga gëzimi
Shkrepa disa rafale
Më gëzojnë edhe faktet
Se nuk ka vepër penale

Nëse dashnorën fare
Nuk e lajmëron në letër
Pse në vitin e ardhshëm
Të mos e kam një tjetër

commentFirst article
Sot mund të lexoni Shfletoni kopertinat