Ditë - dallgë e shpirtit

Kultura

Ditë - dallgë e shpirtit

Nga: Kristina Mehmetllari Më: 3 korrik 2022 Në ora: 18:25
Kristina Mehmetllari

Re ,shi, errësirë, tufan...

Përcillmeni tej udhës së shtruar me valë...

Pritmëni në shkëmbin mbuluar me mall!

Përqafomëni pastaj!

Mbytmëni në erëra dallgësh

brigjeve të shpirtit!

Unë do hesht!

Do dëgjoj!

Do pres...

këmbanën e shpirtit të oshëtijë!

Unë do pres rrezet,

Do pres arin e pakufijshëm

depërtuar detit

....të shpirtit!

Do thur ëndrra rrufesh!

Rrjeta miqësie...

Fllade ndjesie...!

MUA, KRIJESËS ...

Fshihu mes ëndrrash,

Ti, fantazi e robëruar!

Ti, robëreshë fantazie!

Lidhur duart,

këmbët, shpirti...

me zinxhir-gur!

Ah, robëreshë fantazie, lirohu!

O tani, o kurrë!

Kape gurin në pëllëmbë,

Pastaj flake tej...

Jo para teje!

Ta pret rrugën një ditë.

Hidhe mbrapa!

Kokën mos e kthe!

Ti linde në udhët e drejta!

Ndje me shpirt,

Veç Zotin beso

dhe sërisht...dashuro!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat