Komuniteti i qenve

Kultura

Komuniteti i qenve

Nga: Fatmir Lohja Më: 6 korrik 2022 Në ora: 07:36
Fatmir Lohja

Xha Braho, fik, e ndez cigaret, po mendohej te stoli, nën hijen e pemëve, në parkun e qytetit. Vranësirat në fytyrë, tregonin se diçka e shqetësonte. Shetitësit e zakonshem nuk i vinte re. Stoli qe diku në qoshe, ku edhe kalamajt nuk aviteshin me lodrat e tyre të gëzueshme.

Xhaxha! Keni kohë që qendroni këtu?- ia nderpreu mendimet xha Brahos një polic.

Xha Brahoja e ngrejti kokën si i përhumbur. Me veprimet me duar, dhe me mimike, i dha mesazhin policit, se çfarë e shqetësonte?

Të kam thënë se komuniteti i këtij qyteti, nuk bashkëpunon me policinë, - sqaroi policja zevzeke , shefin madhosh.

Dua të di mendimin tend, se kush nga të dy komunitetet në konflikt ka të drejtë?- e pyet polici xha Brahon me një zgërdhimje të shtirë në fytyrë.

Në ato çaste xha Braho vuri re dy grupime , të egërsuar keq me njëri- tjetrin. Me shikim I drejtohet policit, ta shdervillonte fillin e shqetësimit të tij.

Ne jemi komuniteti e qenve,- sqaroi një topolake shumë energjike.

Xha Braho vuri dorën në gojë , për të mbajtur të qeshuren, nga ajo që dëgjoi.

Ne jemi komuniteti I pronarëve të qenve,- sqaroi një kokorosh.

Ne jemi komuniteti I stërvitjes se qenve në park,- e stërholloi një burrë me mustakë të gjatë.

Xha Braho drejtoi shikimin nga kampi tjetër,për të marrë vesh se çfarë komuniteti përfaqësonin? Pa i lënë sira njëri-tjetrin komuniteti kundërshtar, mesa mori vesh xha Braho, ishte në mbrojtje të parkut, kundra qenve, se ndotnin parkun me jashtëqitjet e tyre,dhe në mbrojtje të fëmijëve, që frikësoheshin nga levizjet e pakontrolluara të qenve.

U ndezen gjakrat,se e thanë të verteten të dyja palët .Kërcenimet nisen ndaj qenve, por më pas konflikti u shtri në mes rivalëve. Ishte koflikt I egër. Komuniteti antiqen , kur e morën vesh se qent nuk i sillinin në park vetëm për t’u stervitur, dhe argëtuar, por edhe për t’u dashuruar, që të realizonin riprodhim në mas rracave të ndryshme qensh, u kërkonin policëve te vriteshint qentë si dikur. Nuk kishin faj. Dihe, se një buçë vogël, minimalja, bën pesë deri në gjashtë këlyshë. Hobija aktuale e shqiptarëve për të lëne vatanë, situatën në qytet kalonte në vafor të mbipopullimit të qenve.

Pala tjetër betohej, e stërbetohej se do të stervisnin qente për të ngrënë, e coptuar kundërshtarët. Dy policët po e kishin të veshtirë të ndanin palët në konflikt. Policja kërkoi përforcime, për të dalë nga ajo gjendje. Të dy komunitetet pretendonin pronësinë e parkut. Palët bënin be, e rrufe, për qiell, e për tokë, para policve, se kanë marrë pjesë masivisht në mbjelljen e pemëve në park.

Xha Braho thithte cigaren me endje Erdhi në formë. Nuk i kishte shkuar ndonjëherë në mend se do të ndante davanë, se ku duhen të luajnë qentë. Kur u dëgjuan sirenat e makinave të policisë, u ngrit nga stoli dhe mori drejtimin për në shtëpi. Nuk e foli një fjalë, se qe i bindur se nga njëri komunitet do të shahej me shpirtë, ashtu siç shaheshin ata në sytë e tij, dhe të policëve.

Kur arriti në shtëpi xha Braho pa në televizor lajmërimin, se policija kishte arrestuar pjestarë të komunitet të qenve, me gjithë qentë , dhe nga komuniteti i antiqenve, si rrezultat i ngatërresës në parkun e qytetit. Nuk i ka treguar askujt se ka qenë deshmitar në atë ngatërresë. Edhe sot është i bindur ,pse admimistroi heshjen, doli faqebardhë. Po të jepte ndonjë mendim në atë shamatë , sëbashka me dy komunitetet do të përfundonte në komisariatin e policisë, si mbrojtës i njëres bashkësi, krejt absurde për rradaken e tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat