Vlerësim për qejfin e autorit

Kultura

Vlerësim për qejfin e autorit

Nga: Hejza Art Më: 13 gusht 2022 Në ora: 12:20
Biser Mehmeti

Në një kohë jo fort të largët ka qenë praktikë që një vepër letrare të përcillej edhe me një kritikë letrare, e cila botohej në shtypin e kohës. Mirëpo, sot kritika letrare mungon thuajse tërësisht. Sot kritikët letrarë mund të numërohen me gishtat e njërës dorë. Nuk është edhe e vështirë të dihen arsyet apo edhe shkaqet pse kritika letrare sot mungon. Në radhë të parë mendoj që botimi i shumë veprave, madje shumica pa i përmbushur kriteret elementare letrare, nuk i lënë përshtypje as lexuesit më të thjeshtë e lëre më atyre që letërsinë e shohin me një “sy tjetër!” Një arsye tjetër për mendimin tim është edhe fakti se pak persona që merren me letërsi e njohin këtë profesion që kërkon njohuri të thella në fushën e letërsisë, prandaj edhe hezitojnë të hyjnë në këto “ujëra të turbullta!”. Një shkak tjetër qëndron në faktin se shumica e atyre që e quajnë veten “krijues” nëse ua bënë një vlerësim sado sipërfaqësor të shohin me sy të keq, gjë që është një veprim i shëmtuar.

Sot kritika letrare kryesisht bëhet për t’ia bërë qejfin autorit, i cili në të shumtën e rasteve është mik i autorit. Natyrisht që një dukuri e këtillë është e shëmtuar, megjithatë nuk mund të themi se nuk është duke funksionuar në shumicën e trojeve shqiptare.

Edhe ajo që mund të quhet “kritikë letrare” shpesh është pa ndonjë vlerësim të mirëfilltë letrare, po vetëm sa për të thënë.

Besoj që mungesa e mirëfilltë e kritikës letrare e dëmton në masë të madhe krijimtarinë letrare në përgjithësi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat