Festa e Flamurit

Kultura

Festa e Flamurit

Nga: Sevdail Hyseni Më: 26 nëntor 2022 Në ora: 09:16
Foto ilustrim

Në Luginën e Preshevës

Lulëzon halli dhe kusuri,

Vetëm n’festat e Nëntorit

Kuq e zi valon Flamuri!

Ky simbol i shqiptarisë

Nuk lejohet nga Serbia,

Të festohet sipas ligjit

Sepse qenka nga Shqipëria!

Rreth e qark viseve etnike

Si Luginën s’e gjen kurrë,

Të dënohesh në Gjykata

Të gjobitesh për Flamur!

Për dallim nga vitet tjera

Ky Nëntori vjen me hall,

Na mungon udhëheqja e re

E një Këshilli Nacional!

S’na ka mbetur pak hapësirë

Të festojmë me dashuri,

Si dikur të përbashkuar

Rreth Flamurit kuq e zi!

Me dëshirat më të mira

Gjithandej ku ka shqiptarë,

S’na ka mbetur veç urimit:

Rroftë Flamuri ynë Kombëtar!

commentFirst article
Sot mund të lexoni Shfletoni kopertinat