Përçarjes thuaj, no pasaran!

Kultura

Përçarjes thuaj, no pasaran!

Nga: Tyran Prizren Spahiu Më: 5 maj 2025 Në ora: 21:34
Tyran Prizren Spahiu

Koha e çrregulluar kërkon vendosmëri

qetësi shpirtërore për atdheun

natyrën të veshni me gjelbërim

zbukuroni hapësirën me qëllime parësore.

*

Mbyllni hendekun e mallkuar

dritëzoni ardhmërinë rinorit

jeni të ftuar të gjeni portën e bashkimit

hijeshoni godinën e popullit.

*

Kërkesat nuk janë ëndrrat e një lypësari

premtimet ju presin para derës

zgjohuni o ju kryefjalët e burrërisë

zjarrit të ndezur hedhni ujin e bekuar.

*

Mos na braktisni në shkretëtirë

jemi të etur demokracinë të gëzojmë

endemi pranë newbornit

domethënien e jetës të dorëzojmë atdheut.

*

Çfarë të them poezisë së nëpërkëmbur

metaforës që më refuzon

si të skjaroj letërsisë tonë të dashur

në ç'vend vendimet burojnë e jetësojnë...

*

Afër, pranë, në dorë e keni çelësin

dhembja pikon nga lotët e tharë

heshtjes, fjalamanisë thuani lamtumirë

kufirit të përçarjes vendosni "no pasaran..."

*

Nëse nuk keni përgjigjen e duhur

mungon arsyeshmëria i të qenit i vendosur

votën e hedhur ju e shtrydhni

prapa skenës rrugë të mbarë ju urojmë ...

Tyran Prizren Spahiu

vargje poetike

FANARI

comment Për komente lëvizni më poshtë
Sot mund të lexoni Shfletoni kopertinat