Lirika të Qershorit

Kultura

Lirika të Qershorit

Nga: Përparim Hysi Më: 26 qershor 2025 Në ora: 13:16
Autori Përparim Hysi

1.Në zemër

Në zemër më kumbon një muzikë e fshehtë

Nënë ritmin e kësaj muzike kërcejnë ëndrrat e mia

Pyes veten:- Ç'lloj muzike do të jetë?

Dhe përgjigja:-Muzikë nga dashuria.

Se njeriu kurrë nuk kënaqet me atë që ka,

(ti i jep një gjë dhe prapë kërkon tjetër)

Më duket se kam rënë në sevda

Se erdhi më takoi një mike e vjetër,

Ndodhi kështu në ëndërr a qe përfytyrim?

Por m'u shfaq dhe u zgjova sakaq

Pastaj kalova në një përjetim

Tash kënaqem dhe me kaq.

2.Puhiza

Fryjti një puhizë e lehtë dhe më fryu si balonë

Dhe u bëra si me fletë nga një mike që më fton

Vërtet jam mbi tetëdhjetë(e heq veten si të ri)

Nuk jam plak,se jam"atlet"(e kush është si unë tani?)

E pashë miken tek pasqyra si po krihet e ujdiset

Pak tualet tek fytyra dhe s'do mend,pak "kapërdiset"

Vlrtet qe puhizë e lehtë,po më tundi si furtunë

Sikur ra mbi mua tërmet(plak,or plak, mo u hiq çun!!!)

3.Imazhi i një mikeje

Fytyra jote ovale dhe sytë që lëshojnë shkëndija

Më sjell t'hu ca malle veç nga dashuria

Po qeshja jote gazmore,më bën sikur qeshte MALVA *

Dhe shkoj në ca sinore ku shkel"vijat e bardha"

Kujtimet më vijnë përpara si në film më shfaqen

Sado me flokë të bardha,por çastet mend mbahen

Kujtimet vijnë si përmallim dhe unë kërkoj profilin tënd

I nxehtë është malli im dhe imazhi yt gati më çmënd.

* Malva- personazh nga MAKSIM GORKI

4.Bëluza

Dy lloj ngjyrash ka bëluza

Dhe ç'reflekse u jep dielli

Ç'fsheh bëluza,më ha buza

Atje mendjen,unë i mjeri.

Të dy gjysmat bëjnë plot një

Nuk e di a janë njësoj?

Sa për to lemza më zë

Dua,patjetër,t'i provoj.

Duhet që t'i zë me dorë

Dhe pastaj t'i fut në gojë,

Ndaj për to po digjem horë

Ndaj të lutem,mike, moj.

5.Kujdes kur të më shani

Më shani si mësues

Shamëni,po deshët edhe si njeri.

Më shani për shkrimet:në prozë e poezi.

Çfarëdo që të thoni,ju kam falur.

Por qoftë dhe në një çast më shani SHQIPËRINË,

Bëhem "kamikaz" dhe shpërthej si minë.

Tiranë,26 qershor 2025

 

comment Për komente lëvizni më poshtë
Sot mund të lexoni Shfletoni kopertinat