Gazeta më e fuqishme shqiptare,
intelekti dhe arsyeja
e ekzistencës së identitetit tonë,
tridhjetë vite të rrugëtimit të saj,
ku ka kaluar e ardhmja e shqiptarëve
nën terrorin e sundimin mizor serb.
"Bota Sot",
gazeta që i doli zot Kosovës
në çastet më të rënda
të historisë së saj,
kur regjimi serb
masakronte fëmijë, gra
e pleq në trojet tona.
Gazeta "Bota Sot",
ishte dritarja e vetme
e informimit të botës së qytetëruar,
në fillimin e mizorive
të pushtetit serb
kundër popullit shqiptar në Kosovë.
Ajo që sot
është bërë traditë,
s’ka asnjë medium tjetër
kudo që ka shqiptarë
me më shumë lexues
se gazeta "Bota Sot" —
gardianja e fjalës së lirë,
mbi të gjitha fushatat
që kalon kombi shqiptar.