Pesimiste

Kultura

Pesimiste

Nga: Musa Ahmetaj Më: 6 gusht 2025 Në ora: 19:23
Musa Ahmetaj

Dyer e dritare të hapura
Tërë kohën është ajrosur
Pritet se do të hyjë elita
Me mendje të armatosur

Prezenca e madhe e tyre
Vërtet do të bëjnë bujë
Secilin nga të pranishmit
I pret shishja me ujë

Do të ketë përshendetje
Madje duke u përqafuar
Do të ketë edhe të tillë
Duart fare pa i shtrëguar

Do të ketë diskutime
Madje edhe polemika
Problemi do te krijohet
Për emra dhe karrika

Une mendoj me ndryshe
E ju thuani cka të doni
Por sikletin më të madh
Do ta ketë MIKROFONI

Nga mikrofoni do dalin
Shumë tone trishtuese
Të gjithë deputetët engjuj
Përveç Gjykatës Kushtetuese

comment Për komente lëvizni më poshtë
Sot mund të lexoni Shfletoni kopertinat