Etja

Kultura

Etja

Nga: Ardian Haziri Më: 13 gusht 2025 Në ora: 23:12
Ardian Haziri

Mes dritës së lodhur dhe hijeve që zgjaten;

Përpiqem ta çliroj veten nga vetvetja;

Si ky shi që bie pareshtur;

Dhe shkund nga shpatullat e qiellit;

Retë e dendura. 

 

Deti është lagur;

Ka dëshmuar se edhe gjigantët ndjejnë etje.

 

Në kopsht, lulet jetojnë më gjatë se pranvera;

Se nuk e dinë ç’është kalimi i kohës;

Ato e matin jetën me frymën e erës;

Që u prek petalet;

Me një pikë shiu që bie nga qielli.

 

Mes dritës së lodhur dhe hijeve që zgjaten;

Mes shiut dhe detit;

Mësoj se gjithçka jeton më gjatë;

Kur nuk ka frikë nga përfundimi.

comment Për komente lëvizni më poshtë
Sot mund të lexoni Shfletoni kopertinat