Kosova u ripushtua pas luftës nga politikanë të korruptuar

Kultura

Kosova u ripushtua pas luftës nga politikanë të korruptuar

Nga: Adem Bytyçi Më: 22 gusht 2025 Në ora: 08:33
Autori Adem Bytyçi

Kosovën e çliruan nga sundimi serb

dëshmorë e patriotë shqiptarë,

së bashku me popullin martir

vendosën themelet e shtetit tonë.

Për fat të keq, pas çlirimit,

Kosovën – atdheun tonë,

për çlirimin e të cilit

është derdhur aq shumë gjak –

e ripushtuan të korruptuarit,

hajnat ordiner.

Zapuan tokat e Kosovës

dhe brenda natës

u bënë miliarderë.

I shitën e i stërshitën ndërmarrjet e Kosovës,

madje shteteve fqinje

ua dhuruan territore të Kosovës,

për pak pushtet

e më së shumti

për t’u pasuruar vetë.

Ah, sa e dhimbshme!

Kjo plagë e Kosovës,

nga politikanët e korruptuar,

që nga çlirimi e deri më sot,

ende është aty,

duke e ndjekur pas.

comment Për komente lëvizni më poshtë
Sot mund të lexoni Shfletoni kopertinat