O me shkrim, o me gojë
Po ta them, moj grua
Nja dy muaj të plotë
Nuk do të flesh me mua
Kudo do të jem i pranishëm
Për të mirën e shtetit
Do të kërkoj përkrahje – vota
Për të parin e qytetit
Do ta vizitoj farefisin:
Daja, halla dhe kunata
As vetë nuk do ta di
Ku do të më zërë nata.
Ta them me zemër
Për ty do të më marrë malli
Vizitat e tilla nuk i dua
Vërtet i kam nga halli
Dëshira do të realizohet
Të jesh zonja e parë.
Ëmbël do ta pranojë veshi
Kur të më thërrasin z. Kryetar