Qeveria në pritje

Kultura

Qeveria në pritje

Sevdail Hyseni Nga Sevdail Hyseni Më 13 shtator 2025 Në ora: 09:49
Foto ilustrim

Po e presim Qeverinë,
Të na vijë me të renë,
Ç’e do kur zvarriten
Punët si me tren..!

Si me tren klasik,
Që s’i dihet destinacioni,
E me disa parti
Pa lidhje koalicioni!

Pa një hap konkret
Deri në pambarim,
E me qindra vota
Që lypin numërim…

Ashtu zgjatet puna
Si një shkop magjik,
Për t’i sjellë proceset
Me nder në rrezik!

Festat e nëntorit
Po vijnë ngadalë,
E ne jemi zhytur
Në vakum institucional!

Nga ky marifet
Askush nuk e di,
A do të kemi dhurata
Për Vitin e Ri?!

Me këto dukuri
Të llojit njerëzor,
Struket Qeveria
Në gjumë dimëror!

comment Për komente lëvizni më poshtë
Sot mund të lexoni Shfletoni kopertinat