Paqë pa gjasim

Kultura

Paqë pa gjasim

Nga: Dedë Preqi Më: 8 tetor 2025 Në ora: 12:44
Dedë Preqi

Era ulurinë nëpër dritaret e thyera tej përtej

Zogjtë duke ikur lënë vetëm pendëlat gjurma

Qielli një rrjetë e dendur me peshqi të murëm

Zërin e trishtuar e nxjerrin gërmadhat pa gojë

Ah, Palestinë, kush ta shkroi emrin në tym

Vorbulla tinzake i qon peshë gjethet e zymta

Si do heshtje, sikur t’mos ishe bijë e perëndisë

Dhe sikur të ankoheshe, i ngjanë melankolisë.

Zonja frikë, sikur gjoksin e shpon nga breshëri

Frymëmarrjen akull e ruajnë ullinjt e shuar për dhe

Stuhia i varros pa rruzgjare kambanat e zymta

Atje ku edhe dielli fshehët pas kodrave shkëmbore

Plot klithma përballë detit jehojnë të braktisura

Sikur çdo gjë në ty përmbytej nga e pa ngopura «mortajë»

Por, prap ti je një mrekulli në mes etjes e urisë

Më e fortë se shkëmbi n’mes rrënimeve e dhembjes

E përbuzur nga lojrat e egra n’mes demave me brina

Ku e gjenë gjasimin paqa e jote, të ngritet në këmbë Palestina.

comment Për komente lëvizni më poshtë
Sot mund të lexoni Shfletoni kopertinat