Mercenari

Kultura

Mercenari

Sevdail Hyseni Nga Sevdail Hyseni Më 1 nëntor 2025 Në ora: 15:40
Foto ilustrim

Është kalorësi i errësirës digjitale,
I paguar për shpifje e fjalë banale.
S’ka ideal, moral, shpirt, as zemër,
Me çmim ofertë, baltos çdo emër.

Në profil, sipas përshtypjes së parë,
S’e dallon a është aktor, apo gazetar.
Me gjysmë mjekër e syze me ngjyrë,
Sillet si zagar, për një asht me yndyrë.

Nëpër parti politike, kur vjen fushata,
S’i dihet kur nis dita e mbaron nata.
Shkon mercenari të bëjë një reklamë,
Ata e gostitin me meze, raki e sallam.

Por kur të mbarojnë paratë e fushatës,
S’ndalet përfituesi pas netëve të natës.
Kërkon një tjetër “bakshish” me tepricë,
Deri sa të ngulet, me nder, në prapanicë.

Gjithmonë mercenarit fati s’i buzëqesh,
Vjen një ditë e përballet me hundëlesh.
Njëherë kishte rënë, po kaloi lehtë -
S’është pa telashe, lufta për pushtet.

comment Për komente lëvizni më poshtë
Sot mund të lexoni Shfletoni kopertinat