Zëri i dëshmorëve liria e Kosovës

Kultura

Zëri i dëshmorëve liria e Kosovës

Nga: Adem Bytyçi Më: 27 nëntor 2025 Në ora: 09:20
Autori Adem Bytyçi

Ne e flijuam jetën për liri,

tani atdheun e çliruam

nga shumë vuajtje dhe mizori.

E dinim, para se ta falnim jetën,

se ju do t’ju lënim pas,

për ta gëzuar lirinë

dhe për ta ndërtuar shtetin,

Kosovën martire gjithandej —

lindje, perëndim, veri e jug.

Ju themi se na keni zhgënjyer,

sepse mbi interesat e kombit dhe shtetit

i keni vënë interesat tuaja,

të pushtetit dhe të gjepit,

duke e lënë në gjysmë rruge

ndërtimin e shtetit.

Kosova ka vuajtur shumë,

vazhdon edhe sot të vuajë,

kur i sheh politikanët e saj

duke luftuar njëri-tjetrin

në dëm të kombit dhe shtetit.

Amanetin mos e harroni!

Qeverisjen e vendit,

kurrë, kurrë të korruptuarve,

as atyre që e kanë tradhtuar

dhe e tradhtojnë interesin e Kosovës,

mos ua besoni!

Dt. 27.11.2025, Hannover – Gjermani.

comment Për komente lëvizni më poshtë
Sot mund të lexoni Shfletoni kopertinat