Me ty e për ty, o flamur

Kultura

Me ty e për ty, o flamur

Nga: Xhelal Hoxha Më: 27 nëntor 2025 Në ora: 10:22
Autori Xhelal Hoxha

Ndër shekuj e ndër breza, me ngjyra të kuqe e të zeza

Emri dhe gjaku ynë; Pellazgë, Ilirë e Dardanë

Ti toka jonë, e rrudhur dhe e tkurrur

E ndarë ndër breza shpeshherë e larë me gjak…

Ti simbol, emblemë e Shqiptarisë!

Në histori, e në luftëra i rilindur si feniksi përsëri;

Në ty për ty, e bashkë me ty jetuam ne Shqiptarët

Në Ty qëndroi, shqiponja jonë e zezë

me kokën lart dhe krihet e saj të zjarrtë!

Për ty e mbi Ty, u derdh e u shtjerr gjaku ynë i kuq

Me ty bashkë në të gjitha luftërat…

Me ty luftoi e fitoi, Gj.K.-Skënderbeu

I pa mposhtur dhe i pa dorëzuar,

Si luan Shqipërie, gjithmonë me fitore!…

Me ty në lindje, edhe në vdekje nëpër dasma e ahengje…

Sikurse edhe në beteja të përgjakshme me pushtues të huaj…

Ndonëse edhe në demonstrata të shumta…

Nëpër burgje të ndryshme, serbo-sllave

Të izoluar e të prangosur deri në vetëflijim!

Për ty ranë, dhe u vranë:

Fazli Grajqevci, me shumë Shqiptarë të tjerë!…

Ty të ruajtëm, e do të ruajmë si sytë e ballit

Të mbrojtëm si mbron shqipja folenë

Gjithmonë me krenari, dinjitet e dhimbje

Me ty mbrojtëm mëmëdheun!

Nga vetë populli ynë, ti prapë u ringjalle

Së bashku me kombin tonë, me UÇK-në tribunë

U ngrite në ballë dhe u lartësove

me shtizën bashkë në përmendore, me shtatore

Ti o fisi, o plisi, ti o gjaku ynë!

Me Malon, ti prapë u lartësove…

Me këngë lirie dhe këngë dëshmorësh tanë…

Me bacë Ademin, ti përsëri u ngrite dhe u rrite…

Që për këtë tokë bashkë me Ty

U shndërruan në Hero e në muranë të gjallë!

Ti na je shëndeti i kombit

Na je si nënë e baba

Me Ty lidhëm besën e kombit e të Zotit

Të kem si motër, e të kem si vëlla !

Ti simbol, emblemë SHQIPËRIE

Në Ty ëndërrojmë e jetojmë të gjallë

Flakadan lirie, urtësie e trimërie:

O yll, o qiell, o diell i rrallë!

comment Për komente lëvizni më poshtë
Sot mund të lexoni Shfletoni kopertinat