Dalshim faqe bardhë!

Kultura

Dalshim faqe bardhë!

Nga: Xhelal Hoxha Më: 20 dhjetor 2025 Në ora: 10:42
Xhelal Hoxha

Urime e gëzuar, për të gjithë botën mbarë

E veçanërisht gëzuar, për popullin tonë shqiptarë

gjithmonë të bashkuar, dalshim faqe bardhë!

N' komb e n' fe, n' flamur, n' festa e n' atdhe

për krishtlindjet e vitin e ri, duke ngritë dolli

Paçim bekime, uratë, gëzime e dashuri!

T'i ndezim dritat, bredhat, ta largojmë errësirën

Dhe ta ofrojmë dritën, që ta shohim të bardhë ditën

Festën e vitit të ri, ta festojmë pa hidhërime

Hasmërit ndër vete t’i falim, armikun e përbashkët ta ndalim

Të kemi dashuri për njëri-tjetrin dhe të kemi gëzime

Që t’mos na mbeten vatrat të shkreta e dritat fikur!

T'a lëm këtë vit ziliqar, si të urryer e të për qarë

Gjithmonë të jemi të unifikuar e t’ bashkuar, jo të ndarë

Ta fillojmë vitin tjetër, me një jetë të mirë e t’mbarë

Në truallin e rrugën tonë të vjetër, të lirë e njerëzore

Që e deshëm e donë, dhe e dëshiron çdo shqiptarë!

Gëzuar pra, për të gjithë juve me radhë:

dalshim faqe bardhë, populli ynë i ndarë!

comment Për komente lëvizni më poshtë
Sot mund të lexoni Shfletoni kopertinat