Gënjeshtra me bisht

Kultura

Gënjeshtra me bisht

Nga: Sevdail Hyseni Më: 24 janar 2026 Në ora: 12:19
Karikatura

Gënjeshtra në shoqëri, vjen shtrëngatë,
Me këmbë të shkurtra dhe bisht të gjatë.

Ajo vjen paturpësisht pa u skuqur fare,

Të shikon ndër sy dhe të rren ashiqare.

Dikush gënjen për qielli, dikush për tokë,

E këta rrenacakë s’e vënë gishtin në kokë.

Nuk e mendojnë aspak se ajo nuk ka nder,

Dhe një ditë e drejta ua zë bishtin me derë.

Ka njerëz gënjeshtrën e marrin për krenari,

Harrojnë se lehtë mund të bien n’prokurori.

Rrena bën vegshin, po kapakun s’ia vë dot,

Dhe ik ngarkuar me një thes premtime plot!

Nuk thuhet kot kush gënjen hunda i zgjatet,

Ashtu si politikanëve kur u rriten mandatet.

Vetëm gomarit s’i shkurtohen këmbët aspak,

As veshët dhe ai shkopi, që i varet nën bark!

comment Për komente lëvizni më poshtë
Sot mund të lexoni Shfletoni kopertinat