At Gjergj Fishta

Kultura

At Gjergj Fishta

Nga: Adem Bytyçi Më: 28 janar 2026 Në ora: 15:55
Autori Adem Bytyçi

Letërsia shqiptare

ka pasur dhe ka shumë

poetë e shkrimtarë,

por nuk mban mend

të ketë pasur poet dhe shkrimtar

si i madhi At Gjergj Fishta,

Homeri shqiptar.

At Gjergj Fishta

nuk njihet vetëm si njëri

ndër shkrimtarët më të mëdhenj

në historinë e letërsisë shqiptare,

por edhe si diplomat dhe mendimtar i shquar,

që me dashurinë më të madhe

në konferenca ndërkombëtare

mbrojti me vendosmëri, guxim

dhe me mençuri interesat e kombit

dhe të drejtat legjitime të Shqipërisë,

së cilës në atë kohë, nga armiqtë e saj,

i rrezikohej tërësia tokësore

deri edhe vetë zhdukja e shtetësisë së saj.

Tingëllon shumë e dhimbshme

qëndrimi antikombëtar i regjimit diktatorial,

i cili, posa erdhi në pushtet,

poetin At Gjergj Fishta e diskriminoi,

ndaloi me një vendim të veçantë të Partisë

që në shkollat e të gjitha niveleve

të mos mësohej jetëshkrimi, si dhe veprat

e tij me përmbajtje jashtëzakonisht patriotike.

Këtë Enver Hoxha e bëri për hir të titizmit,

të cilin Partia e Punës e tij

e kishte përqafuar.

Shpirtin e poetit At Gjergj Fishta

e rëndon edhe më shumë akti makabër

i diktatorit Enver Hoxha dhe Partisë staliniste të tij:

zhdukja e eshtrave të shkrimtarit,

që edhe sot e kësaj dite

nuk dihet vendvarrimi i tij.

comment Për komente lëvizni më poshtë
Sot mund të lexoni Shfletoni kopertinat