Çdo njeri gabon!

Kultura

Çdo njeri gabon!

Nga: Xhelal Hoxha Më: 29 janar 2026 Në ora: 08:55
Autori Xhelal Hoxha

Çdo njeri gabon!

Ndash me miq, ndash me armiq; gojën kurrë mos e fëlliq!

(popullore)

Nuk ka njeri në jetë, pa gabime,

Pa kusure e shtrembërime,

me ose pa qëllime…

Donë, apo s’ donë, çdo njeri gabon!

Mirëpo, nëse mundohesh ta mbrosh gabimin tënd;

Je tu gabuar akoma, edhe më shumë, aq sa je i vet i rënd!

Njeriu për me njohtë veten e vet,

duhet korrigjuar nga dikush tjetër;

apo qoftë, nga një mik i vjetër.

Që është mik me virtyte, i vërtetë me vlerë e me nder!

Apo me u shikua në ndonjë pasqyrë, at fytyrë,

s’e mos ndoshta, tu ka nxirë?

E ke gabim, apo e ke mirë?!

Për atë e kemi një gojë,

atë duhet ruajtur ma shumë,

e duhet ta mbyllim, shpesh here

Që sa më pak me fol!

Dhe, që mos ta ndytim e mos ta zhysim,

“për shumë gjëra, mos ta mbysim!”

E sidomos atëherë kur s’kemi nevojë!

Pra i kemi dy sy, me pa ma mirë!

Dy veshë me dëgjua çka flitet

Dhe më pak me fol!

Kur dikush flet, duhet dëgjuar me vëmendje

Nuk është kurrfarë kulture humane, as vetë dije njerëzore

Andaj korrigjohu që të kesh n’ mendje

Që mos t’i ndërhyjmë, pa i mbaruar fjalët prore…

Prandaj, gabimet janë njerëzore

Mirëpo, falja është Hyjnore!

comment Për komente lëvizni më poshtë
Sot mund të lexoni Shfletoni kopertinat