Demi dhe Ligji

Kultura

Demi dhe Ligji

Nga: Sevdail Hyseni Më: 31 janar 2026 Në ora: 16:39
Foto ilustrim

stinën e meseleve, kur fjala s’fle,
Një mbret, me mendjen e hollë si pe,
E nxori një ligj - me vulë në kuvend:
-T’i tredhin demat, të gjithë me rend.

S’kish mbaruar fjala, s’ish tharë boja,
Iknin demat si era, mos t’i kapte roja.
Mbanin brirët lartë e bishtin shigjetë,
Si lepuj në kodra, ngjiteshin përpjetë.

Por ja, në mes të rrëmujës me panik,
Një dem qëndronte - i qetë e pa frikë.

Sepse ishte orxak vetëm me një gogël,

Nuk i druhej ligjit, sa një zog i vogël.

I afrohet dhelpra, zonja bishtdredhur,
I flet me fjalë të urta, duke ia hedhur:
- Pse s’po ik, more dem, a s’ke veshë?

Mbretëria të sheh, s’i ka sytë në lesh.

Kujton Babën mbret lehtë e mashtron,

Aty t’i heq goglat, pastaj t’i numëron.

Demi mbet i shtangur, i ngrirë si ligj,
Kur e kupton i ziu se s’ka shpëtim hiç.

Meseleja s’flet për dema e gogla n’fjalë,
Por për shtetin që kap pa të pyet për hall.
Kush e thotë: “S’më prek mua pa arsye!”,
Zgjohet i tredhur në tru dhe në vetëdije!

comment Për komente lëvizni më poshtë
Sot mund të lexoni Shfletoni kopertinat