Ligji me brirë

Kultura

Ligji me brirë

Nga: Sevdail Hyseni Më: 4 shkurt 2026 Në ora: 14:13
Karikaturë

Një mbret, me mendjen teneqe,
nxori dekretin me pasojë t’keqe:
“Demat t’i tredhin, pa zhurmë,
kërkon rendi, s’dua fjalë shumë!”

Me të dëgjuar urdhrin mbretëror,

me të katra na ikin demat e gjorë.
Pas tyre vrapojnë lepujt me frikë,
sy të zgurdulluar dhe veshët bigë.

-Ndaluni!- u thotë dhelpra fisnike,
me buzëqeshjen cinike e politike.
- Ky ligj s’është për ju, o veshgjatë,
demat janë në shenjë, ju jeni me fat!

Por një lepur me zë nën mustaqe,
i tha: - Moj zonjë, sa je budallaqe!
Derisa Baba Mbret, të marrë vesh,
neve na shkojnë “goglat” për lesh!

comment Për komente lëvizni më poshtë
Sot mund të lexoni Shfletoni kopertinat