Dëshmori Remzi Danush Xhaferi

Kultura

Dëshmori Remzi Danush Xhaferi

Nga: Sami Arifi Më: 12 shkurt 2026 Në ora: 18:55
Remzi Danush Xhaferi

Remzi D. Xhaferi u lind, më 03/ 03/ 1963, në fshatin Tanushë (Tanishec)-Komuna e Shkupit, ai jetoi në Haraçinë. Remziu shkollën fillore e kreu në Haraqinë, ai ishte aktiv gjatë luftës në Zonën Operative të Dukagjinit. “Dëshmorët nga Maqedonia të rënë në luftën për çlirimin e Kosovës-morën pjesë shumë personalitete dhe luftëtar për çlirimin e Kosovës, ndër ta ishin edhe dhjetë dëshmorë të cilët kaluan në përjetësi, ata janë: Ismet Jashari-Kunanovë, Beqir Limani-Kërçovë, Safet Ajeti-Kumanovë, Ismet Mustafa-Kumanovë, Aliriza-Selmani-Tetovë, Mujdin Aliu-Tetovë, Remzi Xhaferi-Shkup, Shabi Kajolli-Shkup, Tahir Osmani-Shkup dhe Zekir Dardhishta-Shkup”.

Remziu ra në përjetësi, më 04/ 06/ 1999, në luftën e Kosharës. Remziu iu bashkua radhës së dëshmorëve në përjetësi, ai mbetet përgjithmonë në kujtesën e popullit shqiptar. 

 

Dëshmori Remzi D. Xhaferi!

 

N’moshë burrërie shumë i pjekur,

i vendosur shkjaun për ta hequr!

Remzi Xhaferi i lindur n'Tanushë ky shkupian,

i gatshën për t’mbrojtur vatan!

 

N’Zonën Operative t’Dukagjinit,

si bën vërr çerpiku i syrit!

Vullnetarë nga gjithë shqiptaria,

ia bëjnë luksh shkjaut nga Serbia!

 

Luftoi trimi pa ndërpre,

dëshmor n’Koshare bie për atdhe!

N’amshim ai e n’përjetësi,

veç atdheu mos mbes nën shkij!

 

Nderi i kombit dhe i shqiptarisë;

shkupiani i lindur n'Tanushë;

mbetet burrë dhe trim i lavdisë!

comment Për komente lëvizni më poshtë
Sot mund të lexoni Shfletoni kopertinat