Pavarësi

Kultura

Pavarësi

Nga: Ardian Haziri Më: 13 shkurt 2026 Në ora: 19:58
Ardian Haziri

U rrite në djepin e lashtë dardan,

Me ninulla që bartin peshën e historisë,

U bëre tetëmbëdhjetë.

 

Sa shumë breza për ty janë bërë fli,

Për emrin tënd të bukur, Pavarësi.

 

U përkunde në djepin gjysmë të djegur,

Nga flaka e betejës së madhe,

Brenda kullës së qëndresës e flijimit,

Të asaj tejsakrifice, 

Midis Drenice.

 

Lufta për ty,

Nuk është vetëm armë e dhimbje,

Është fryma e guximit që jep dritë,

Është nder, shpirt, gjuhë, ardhmëri,

Është liri.

comment Për komente lëvizni më poshtë
Sot mund të lexoni Shfletoni kopertinat