Një realitet alternativ

Kultura

Një realitet alternativ

Nga: Kushtrim Neziri Më: 14 shkurt 2026 Në ora: 20:51

Në një realitet alternativ —

atë që duhej ta jetonim pas luftës —

kosovarët jetojnë në  harmoni.

 

Fëmijët luajnë.

Zogjtë këndojnë.

Heronjtë nderohen.

Dëshmorët kujtohen.

 

E nënat?

 

Nënat

nuk vajtojnë bijtë e tyre të pagjetur.

Nuk vajtojnë

bijtë e humbur.

 

UÇK-ja

është vlerë.

 

Ah… sa e mirë kjo botë.

Sa e mirë,

kur e di se sot:

 

Heronjtë çnderohen.

Dëshmorët harrohen.

Nënat vajtojnë.

 

Bijtë e tyre,

Bijtë e tyre sot,

gjykohen pa drejtësi.

 

UÇK-ja

vihet në bankën e të akuzuarit.

 

O, si nuk e kam fuqinë

ta ribëja edhe një herë nga fillimi.

Të rrëzoj gjithçka.

T’i zgjoj njerëzit me një klithmë:

 

Liria u fitua.

Por drejtësia mbeti rrugës.

 

Dhe për sa kohë

dhimbja vazhdon,

harresa sundon,

e heronjtë gjykohen,

 

lufta

nuk ka mbaruar ende.

comment Për komente lëvizni më poshtë
Sot mund të lexoni Shfletoni kopertinat