Po vdes

Kultura

Po vdes

Nga: Adem Bytyqi Më: 3 mars 2026 Në ora: 17:42
Adem Bytyqi

I mërzitur dhe i përlotur shumë,
edhe në atë botë,
gjatë nuk do të ndihem rehat,
derisa të më vijë lajmi
se shqiptarët janë bërë bashkë.

Shqiptarët dikur ishin bashkë,
i donin dhe i ndihmonin njëri-tjetrin,
por kur djalli iu hyri në mes,
i ndau dhe i bëri pikë e pesë,
që ta urrenin njëri-tjetrin,
deri në atë masë
sa të luftonin ndër vete,
sikur të mos ishin vëllezër,
por armiq.

Tani, pasi djalli vdiq,
Kosova u bë Republikë,
shqiptarët fituan lirinë,
por akoma nuk janë bashkuar
në një shtet të përbashkët me Shqipërinë.

Po vdes,
i mërzitur dhe i përlotur shumë,
edhe në atë botë gjatë do të vuaj,
e nuk do të ndihem rehat,
edhe dita do të më duket natë,
derisa të më vijë lajmi
se shqiptarët në një shtet
janë bërë bashkë.

comment Për komente lëvizni më poshtë
Sot mund të lexoni Shfletoni kopertinat