Deputetë, mjaft më!

Kultura

Deputetë, mjaft më!

Nga: Xhelal Hoxha Më: 4 mars 2026 Në ora: 14:58
Xhelal Hoxha

Kësaj radhe, mjaft më me dhunë!

Zgjidheni të parin/en e shtetit,

mos na qitni punë!

 

Votoni për hir të luftës sonë heroike,

për hir të masakrave e dëshmorëve,

të zhdukurve e të pagjeturve tanë,

të varrezave tona masive anë e mbanë,

të dhunimeve të shumta në luftë e në robëri,

të nënave, motrave e grave tona,

dhe gjakut të derdhur për liri...

 

Po ju pyesim juve, ne,

por edhe ju pyesni vetveten tuaj.

Ju të gjithë tani, pak hollë e hollë,

vëni dorën në kokë: a e bëtë më boll?!

 

Si nuk ju bren aspak ndërgjegjja?

Duhet të paktën të keni ndërgjegjësim,

pak turp, fytyrë e kulturë për mësim.

 

Deputetë pa ndërgjegje, pa domethënie,

pa fije turpi për vendin tuaj, vendin tonë.

Ju si duhet nuk jetoni e punoni,

nuk e doni, nuk e respektoni njëri-tjetrin.

Tepër shumë e ulni dhe e largoni vetveten.

 

Mbi të gjitha, më së shumti e dëmtoni

popullin tuaj – tonin – dhe shtetin!

 

Populli ju ka zgjedhur me votë juve

për të krijuar institucione legale,

jo për të bojkotuar e për të bërë hajgare,

për ta bërë Parlamentin me legjitimitet

dhe për të marrë vendime, për të miratuar ligje.

 

Krejt kjo u bë për të forcuar ushtrinë, unitetin dhe shtetin.

Ju themi shqip e shkurt:

a s’keni pak turp?!

comment Për komente lëvizni më poshtë
Sot mund të lexoni Shfletoni kopertinat