Politikanët e Kosovës

Kultura

Politikanët e Kosovës

Nga: Adem Bytyçi Më: 12 mars 2026 Në ora: 16:54
Autori Adem Bytyçi

Politikanët e Kosovës,

janë të mjerë,

jo se nuk dinë,

por nuk duan

të ndërtojnë shtet.

Janë të mjerë,

sepse shtetin nuk e konsiderojnë

mundësi për ta zhvilluar vendin e vet

dhe për ta mbrojtur lirinë

e popullit, i cili ka vuajtur aq shumë.

Por shtetin e konsiderojnë instrument

për t’u pasuruar vetë,

duke shkelur mbi gjakun e atyre

dëshmorëve dhe heronjve

të cilët janë flijuar për t’ia sjellë lirinë

popullit të tyre dhe për ta themeluar

shtetin e Kosovës, për të cilin kanë luftuar

dhe janë sakrifikuar gjenerata patriotësh

për më shumë se 100 vjet.

Politikanët e Kosovës,

që janë duke u tallur

në mënyrë të përsëritur

me shtetin dhe me të ardhmen

e popullit të vet,

nuk e dinë se po vjen ora

në të cilën Zoti dhe populli i Kosovës

do t’i mallkojnë në mënyrën

më të rëndë.

Pasojat e këtij mallkimi

do të jenë aq të trishtueshme,

sa për to nuk do t’u kishte shkuar mendja

as edhe një herë të vetme në jetë.

comment Për komente lëvizni më poshtë
Sot mund të lexoni Shfletoni kopertinat