Ëndrra

Kultura

Ëndrra

Nga: Xhelal Hoxha Më: 13 prill 2026 Në ora: 09:57
Xhelal Hoxha

Mbrëmë, në gjumë, një ëndërr të ëmbël pashë,
M’u duk sikur nga qielli si kometë rashë;
Duke të përkëdhelur e puthur pa reshtur,
O më e bukura vashë, shpirt i zemrës sime.

M’u duke si qielli i kaltër me diell që ndriçonte,
Si deti me valë që bregun përqafonte;
Në shtatin tënd e në sytë e zinj
Më dukej se gjithë bukuria e botës jetonte.

Më ngjaje si Nora e Kelmendit, si një hyri,
E unë me vete thashë: u bëra trim i ri;
Të të mbaj pranë e të dehem nga dashuria,
Si nga një gotë raki që s’dua ta mbaroj kurrë.

Thashë me vete: jam zgjuar apo në ëndërr?
Është iluzion apo një e vërtetë?
Sepse për një dashuri si kjo
Njeriu do të bashkonte qiellin me tokën në jetë.

comment Për komente lëvizni më poshtë
Sot mund të lexoni Shfletoni kopertinat